Shillong:Ka riat arliang ka dei kaba jrong bad jylliew bha kaba don ha ka thain Wei Sawdong bad ha kane ka riat, la lap ia ka met jong u Raja Raghuvanshi kaba neh ha shiteng riat.
Ki pulit kila lap ia ka met jong u ha ka 2 tarik Jylliew da kaba pynher da u drone namar ba ha katei ka sngi, ka suin bneng ka rang bad kham shai bha.
Na shiliang jong kane ka riat kaba jrong jwain, lah ban iohi shynna bha, ba ka long kaba itriem bha ban peit na ka jingjylliew jongka. U T7 ula ioh ban shon dur na pyrshah kane ka riat arliang, kaba la iohi shynna bha ia ka jingiar bad ka jingjrong jong kane ka riat kaba don da ki spah phut ban poi sha ka lyuh jong ka wah.
Ha ka por kaba shai ka suin bneng, lah ban iohi bha na shiliang ia ka jingikhain ka jingjrong kane ka riat hynrei ha ka por kaba dum lyoh, ym iohi eiei na ka jingkah jong u lyoh.
Mynta ka sngi ruh, haba ki National Disaster Reponse Force (NDRF) ki hiar shapoh kumba 300 phut ban leit wad ia ka Sonam Raghuvanshi, hynrei kim pat poi sha tduh kaba kut jong ka riat. Ki briew kitei ka thain ki khot kum ka riat arliang namar ba baroh ar liang, ka don ka riat kaba jrong bad shaphang mihngi pat, ka don ka kshaid Wei Sawdong, kaba dei ka jaka jngohkai kaba pawnam ha katei ka thain.
Ka jaka ba neh ka met u Raja ha shiteng ka riat arliang, lah ban iohi bha na shiliang
