Shillong: Mynta ka sngi, ki pulit kila pyllong ia ka jingwad ha thaiñ Mawkma ia ka Sonam Raghuvanshi, kaba dei ka jaka ba ka scooty ka ieng katno katne minit.
Shwa ia kane, kila pyllong shwa ia ka jingwad ha ka thain Wei Sawdong ha jaka kaba lap ia ka met jong u Raja Raghuvanshi hynnin ka sngi hynrei hadien ba kim lap dien na kane ka jaka, ki la leit pyllong ia ka jingwad sha thain Mawkma, namar ba katkum u Global Positioning System (GPS) uba la don ha ka Scooty ba ki pyndonkam, ula pyni ba ka scooty ka la pynieng ha katei ka jaka katto katne minit. Hynrei ha kane ka jingleit wad, khlem pat lap dien satia na ka jingdum noh ka miet.
Ha kane ka jingwad, ki pulit ka Sohra, SDRF, SOT bad ki NDRF kila niom sha khlaw ban wad ia ka kynthei kaba dang jah haduh mynta.
La phiah bun kynhun ban hiar sha khlaw, sha riat namar ba ha kane ka jaka, u GPS ka scooty ula pyni dak ba ka don ka jingsangeh kaba katto katne minit.
Shwa ia kane, ki pulit kila pyllong ia ka jingwad ha riat Wei Sawdong, kaba dei ka jaka ba lap ia ka met u shynrang.
Lah ban kdew ki shi kurim kynthup u Raja Raghuvanshi bad ka Sonam Raghuvanshi na Indore, Madhya Pradesh kila jah katba dang wan kai sha thain Sohra naduh 23 tarik Jymmang.
Na Wei Sawdong sha thain Mawkma, wad ki pulit ba pyni u GPS ba iaid ka scooty
