Shillong: Katkum ka tyllong khubor na ki pulit, ka jinglap ia ka met u Raja Raghuvanshi na shiteng riat arliang, ka dei lyngba u Global Positioning System (GPS) uba la pyndait ha ka scooty ba la shim wai ki shijur.
Wat ha ka jingshisha, ki pulit kila hiar teng sha katei ka jaka ha kine ki sngi, hynrei kim lap dien namar ba kim lah ban pyndonkam da u Drone na ka jingther u slap bad dei mynta ka sngi, ba kila ioh lad ba bha ka suin bneng ba kila lah ban pynher ia u Drone uba la ioh ban kem ia ka met u Raja Raghuvanshi uba neh shiteng riat ha parking kaba jrong kumba 200 metre.
Katkum ka jingtip, ka jingsted ba niah ia ka scooty na Mawlakhiat ha Parking ha Wei Sawdong kala kot sha ka 70km eiei bad la ioh jingtip ba ka scooty ka don kumba 15 minit eiei ha katei ka parking ha Wei Sawdong bad na katei ka scooty ka poi sha Sohrarim kaba la ieh artad ha katei ka jaka, kaba la wanrah ia ka jingdak jingkylli kumno katei ka scooty ka poi sha Sohrarim ryngkat u shabi.
Ki pulit ki dang tohkit bniah halor ka jingjia bad ki dang bteng ban wad ia ka kynthei.
Lyngba u GPS ka scooty, lap u Drone ia u Raja ha shiteng riat arliang
