Shillong: Ka jingbym lap dak lap shin ki pulit ia ki shi kurim na jylla Madhya Pradesh kiba jah rngai ha ka thain Sohra, ka la wanrah ka jingkhuslai ia kiba haiing hasem.
Ha kine ki khyndai sngi ba la leit, ki pulit ka Sohra Police Station ryngkat ki State Disaster Response Force (SDRF), kila pyllong ia ka jingleit wad sha kylleng ki jaka kiba hap ha ka thain Sohra naduh Mawlakhiat, Nongriat, Mawsahew, Sohrarim, Mawkdok, bad kiwei ki jaka, hynrei kim shym la lap dien satia.
Kane ka jingwad ia ka Sonam Raghuvanshi bad u Raja Raghuvanshi kiba jah rngai naduh ka 24 tarik Jymmang 2025, kala iaid sha ka 9 sngi kynthih eiei.
Katkum ka jingtip, ki pulit ki lah ban ïit bad eksamin sa da kawei ka bynta ne ka angel halor kane ka jingjia namar ba haduh mynta la sah umdum.
Mynta ka sngi ruh, ki pulit kila pyllong ia ka jingwad sha ki riat, ki lyuh bad ki khlaw ka thaiñ Mawkdok, Dympep hynrei khlem lap dien satia.
Nangne, ki pulit ryngkat u OC ka Sohra Police Station kila hiar sa sha thain Laitduh, Mawkma ban leit wad ia ki. Ki don ruh kiwei ki kynhun kiba wad ha ka thaiñ Lad Mawphlang, hynrei ym pat lap satia.
Ha kane ka jingleit wad la synran lang ruh kiba ha ïing ki shi kurim kiba la jah rngai.
Kane ka jingwad ia ka Sonam Raghuvanshi bad u Raja Raghuvanshi kiba jah rngai naduh ka 24 tarik Jymmang 2025, kala iaid sha ka 9 sngi kynthih eiei.
Kine ki shi kurim kiba dei na Indore, ka jylla Madhy Pradesh kila jah rngai ha ka jingwan iaid kai jongki sha Sohra naduh katei ka sngi.
Watla ia ka scooty kaba ki shim wai la lap na Sohrarim bad ki tiar na ka ïng basa ha Sohra, hynrei ki pulit kim pat lap dien namar ba ki mobile jongki, ki lip beit naduh katei ka sngi.
Ka jingleit wad ki pulit ruh, ka la shah pynthut na ka jinghap u slap, ka jingdum lyoh ha kaba ym lah ban pyndonkam da ki drone ne ban pynsma da ki ksew ruh.
La 9 sngi khlem pat lap ia ki shi kurim ba jah na thain Sohra
