Shillong: Ka jingther u slap ha kine ki ar sngi ba la dep, ka la wanrah ka jingjulor haduh 25 tylli ki shnong ha kylleng ka jylla.
Ha kane ka jingjia, 2 ngut ki mynsiem briew kila khlad noh bad mynsaw 4 ngut nalor 1000 tam ngut ki briew ha Eastern West Khasi kila shah ktah bad 12 tylli ki iing sah briew kila julor nalor ka jingjulor ki skul, ki surok, ki bording ilektrik, ka jingkhyllem ki dieng bad kiwei kaba la kot sha ka 25 tylli. Kiba khlad ki dei ba hap ha East Khasi Hills kynthup ka longkmie ha Lumkyntung kaba hap ha 12 shnong Block bad uwei uba iap jyllop na Pomlakrai.
Ka sorkar ka la pynbna ia ka jingiarap kaba mar T. 4 lak ia ki longing ba khlad noh.
Ha East Khasi Hills ki don 14 tylli ki shnong ba shah ktah, 5 tylli ha Ri Bhoi, 3 ha Eastern West, kawei ha East Jaintia, 2 ha West Garo Hills.
U myntri rangbah u Conrad K Sangma ula pyllong ia ka jingbishar bniah ia ka jinglong jingman, ha kaba la bthah ia ki tnad sorkar bapher bapher kum ka MeECL, bad ki bor district ban long kiba pietngor ban ai jingiarap ia ki briew mar mar haba don kano kano ka jingjia.
Ka State Disaster Management Authority (SDMA) bad ka District Disaster
Management Authorities (DDMAs) ka dang iai peitngor ia ka jinglong jingman ryngkat ka jingpynkhreh ban mareh bran bran haba don kano kano ka jingjia.
Syllad ka mariang 25 tylli ki shnong, iap 2 ngut, khyllem ki dieng, twa ki surok
