Shillong: Ka Synjuk ki Khlieh Nongsynshar Shnong Mawsynram Block, kala pynlong da ka jingialang paidbah ha ka 29 tarik Jymmang 2025 ha Mawsynram ban pan ia ka jingiatreilang u paidbah ban dawa kyntiew kyrdan noh ia ka Mawsynram Block sha ka Civil Sub Division.
Ha ka jingialang la don lang ki Rangbah Shnong, ki riew rangbah, ki kynhun sengbhalang bapher bapher kiba don ha ka thain nalor ki nongmihkhmat ha kaba la iatai ban pynjur ia ka jingdawa ban pynioh noh ia ka Mawsynram Civil Sub-Division.
Ki nongialam ka thain ka Mawsynram block ki la ong ba ka Mawsynram Block kaba la seng naduh 62 snem mynshwa ha ka por ka Assam, ka la dei hok ban ioh ia ka civil subdivision, bad ka jingdon ki nongshong shnong kam duna ia 70,000 eiei nalor ba ka don kham sha jngai na ka sor Shillong ban ianujor ia ka Pynursla bad ka Sohra Civil Sub-Division.
kham mynshwa, ka KSU ryngkat ki nongialam ka thain bad ki nongmihkhmat bad ki seng sain pyrthei kila kyrshan ia kane ka jingdawa ban kyntiew kyrdan noh ia ka Mawsynram sha ka Civil Sub-Division.
Pynkhreh ka Synjuk ban kham pynjur ia ka jingdawa Civil Sub Division Mawsynram
