Shillong: U Deputy Commissioner uba dei ruh u Chairman ka District Disaster Management Authority, ka West Jaintia u Abhinav Kumar Singh, IAS, ula hukum ba baroh ki jaka jngohkai ha ka district ba kin khang noh shwa na ka daw ka jingther u slap.
Ha ka hukum kaba la pynmih mynta ka sngi Saitjain, ka 31 tarik Jymmang, 2025, u Deputy Commissioner ula ong ba namar ba ym I don dak ba u slap un sangeh ha ka district naduh kine ki khyndiat sngi ba la leit, kaba lah ban wanrah ka jingma bad mynsaw ia kiba wankai sha ki jaka jngohkai bapher bapher, la donkam ban shim ia ka sienjam kaba kyrkieh kum ka jingiada na ka bynta ka jingbit jingbiang ki paidbah.
Halor kane, u DC, katkum ka kyndon 34 (M) ka Disastar Management Act 2005, ula hukum ia baroh ki jaka jngohkai ha West Jaintia ban khang noh shwa naduh mynta ka sngi haduh ban pynbna da kumwei pat.
Hukum u DC West Jaintia ban khang noh shwa ia ki jaka jngohkai ba jur slap palat
