Shillong: Da kaba bud ia ki jingbthah jong ka High Court ka Meghalaya sha baroh ki distrik ba kin shim ki lad pynshitom kiba tyngeh pyrshah ia ka jingdie bad pyndonkam ia ki plastik kiba pyndonkam tang shisien bad ki pla plastik kiba ka jingrben ka duna ban ia kaba la buh kyndon, i District Magistrate ka East Khasi Hills i la buh ka jingmana ia ka jingpynmih/jingkhaii/jingdie bad jingpyndonkam ia ki pla plastik kiba duna ia ka 120 micron ka jingrben bad kine ki tiar plastik kiba la kdew harum naduh ka 1 tarik
Jylliew, 2025.
a) Ki tiar plastik ba pyndait ha ki jingkhlong shkor, ki balloon, ki mit mit, ice cream, ki lama plastik, ki Thermocol ban wah pynitynnat.
b) Ki pliang, pela, ki tiar bam kum ki proh, shamoit, tari, tiar kjit jingdih, ki tray, jingking sha, ki tiar song synduk jingbam thiang, ki card khot sngewbha, ki banner plastik ne PVC kiba duna ia ka 100 micron.
c) Ki plastik ba pyndonkam tang shisien kiba la kam ba ki dei kiba lah ban pyut bad kiba lah ban pra tangba ki ba khlem ioh ia ka jingpynthikna na ka Central Pollution Control Board (CPCB).
Kino kino kiba pynkhein ia katei ka hukum kin ngat ha ka jingpynshitom hapoh ka Section 18 jong ka Public Waste Management Rules kaba la pynthymmai kaba 6 tarik Naitung, 2022 kaba la pynlong ain hapoh ka Environment (Protection) Act, 1986.
Jingmana pyndonkam tiar plastik
