Shillong: Ka jingshlur ki briew nabar jylla ban leh ia ki kam bymman ha kane ka jylla, ka la buh ia u dak jingkylli uba heh bha.
Ka jingjia dang shen, ba u bar jylla naduh Assam u shlur ban wan leh khlem rain ia kawei ka khynnah skul kaba dang iaid lynti ha Umsohun, ka la pynkyndit thret ia ki kmie ki kpa, ba ka sor Shillong kam long kaba shngain ia ki kynthei khynnah wat ia ki rangbah ruh.
Ym tang kum kane ka jingjia, hynrei ka jingshah tuh ka ATM na Mawkriah ka la long kaba shyrkhei bha ha kaba katkum ka khubor na ki pulit, ki briew kiba leh ia kine ki kam, ki lah ban dei nabar jylla.
Kane ka jingshlur ki briew nabar ban shim kabu ban leh ia ki kam ha kane ka jylla, ka lah ban pyni ba ki briew ki long kiba lui lui palat bad ka lah ban dei ba ka jylla Meghalaya ka dei ka eden ban leh katba mon khlem don kano kano ka jingtieng ka jingsmiej.
Ka jingwan rung ki briew nabar sha kane ka jylla ruh kaba la shyrkhei bad la sakhi ba ha ki iew ki hat, la satah da ki briew ki bym dei trai na kane ka jylla bad kito kiba la kham san, ban ianujor bad ki khyndiat snem mynshwa, ka la don ka jingiapher kaba jur bha.
Ka la donkam ia ka bor jong ka ain bad ki bor shnong, ki seng samla, seng longkmie ban pyrkhat sani halor kane kaba ktah bad buh jingma ia ka imlang sahlang ha ka jaitbynriew.
Balei ki briew nabar ki wan shim kabu ha kane ka jylla?
