Shillong: Ka Indian Olympic Association (IOA) lyngba ka Adhoc Committee ba la thaw kyrpang na ka bynta ka jylla Tripura, katkum ka jingbthah na ka President jong ka IOA, ha ka jingpyntip Ref No: IOA/II-32/TSOA/2024/2040 kaba la pynmih ha ka 8 tarik u Naiwieng 2024 bad ka jingbteng jong ka ha ka Ref. No: IOA/II-32/TSOA/2025/2177 ha ka 12 tarik u Rymphang 2025, ka la pynbna ba ka la pyndep shakhmat ïa ka kamram ba la aiti ha ka.
Ka thong ba kongsan jong kane ka IOA Adhoc Committee Tripura ka long ban pynlong ïa ka jingjied nongkitkam kaba shai bad hok na ka bynta ban thaw ïa ka tnad ba hakhliehduh jong ka Olympic ha ka jylla Tripura, ban ïada ïa ka jingiaid lynti jong ka Olympic Movement bad ban pynim biang ïa ka riti ïalehkai ha ka jylla. Hadien palat 15 snem jong ka jingpynslem, kane ka lynti synshar paidbah ka la ailad ïa ki samla ba don sap ha Tripura ban ïaleh na ka bynta ka jylla ha ki kyrdan jong ka jylla, ri bad pyrthei da ka burom bad ka jingkhuid.
Ki jingmih, kiba la pynbna da ka Returning Officer (RO) bad Assistant Returning Officer (ARO), ki pyni ba la pyndep ïa ka jingjied nongkitkam da ka lynti kaba shai bad hok. Kane ka sngi ba khraw ka la pynlong ruh da ka jingpynkup burom ha ka jingïalang ba la pynïaid da u Bah John F Kharshiing, Chairman jong ka IOA Adhoc Committee na ka bynta ka Tripura, ha ka Conference Hall jong ka Shaheed Bhagat Singh Yuba Awas, Khejurbagan, Agartala, Tripura West-799006, ha ka jingdonlang jong ki nongïashim bynta bad ki riewkhmat.
Ka President ba thymmai, Ka Dipa Karmakar, kaba dei ruh ka OLY (31 snem), u General Secretary, Bah Sujit Roy, bad kiwei pat ki 13 ngut ki nongkitkam Executive Committee jong ka Tripura Olympic Association (TOA) ki la jied bad kin shakri na ka bynta ka samoi saw snem naduh 2025 haduh 2029.
Ka IOA Adhoc Committee Tripura ka ai ka jingïaroh kaba khraw sha ka President, General Secretary, ki Executive Members, bad kiwei pat ki nongkitkam jong ka TOA ba thymmai. Ka IOA ka ngeit ba ha ka jingïalam jong ki, ka jylla Tripura kan ïoh ïa ka rukom pynïaid kam ïalehkai kaba proffesional bad kaba seisoh.
Ha ka jingïalang, u Chairman jong ka IOA Adhoc Committee, Tripura, u la pule ïa ka khubor kitbok na ka Dr. P.T. Usha, President jong ka Indian Olympic Association IOA, kaba la ong:
“Kane ka dei ka por ba kongsan ban pynpaw ïa ka jingïaroh jong ngi ban kyntiew ïa ka kam ïalehkai, ban pynïohlad, ban ai jingïarap bad ban ai lad ïa baroh, khlem da peit ïa ka rta, ka kynthei ne shynrang, ne ka jinglong jong ki. Kum ki nongpynïaid ka kam ïalehkai ha ka jylla, ka long kaba donkam ban trei lang ban lap ïa ki sap, ban tei ïa ki jaka ïalehkai, bad ban pynneh ïa ka riti ïalehkai kaba bha ha ka kyrdan ba sdang. Ka long ruh kaba donkam ban ïada ïa ka bha ka miat jong ki nongïalehkai. Ki dei ka mynsiem jong ka lawei jong ka kam ïalehkai jong ngi, bad ngi dei ban ai ka jingïarap kaba shai, kaba hok, bad ka jingïarap na ki tnad treikam kiba skhem. Kaba kongsan ka long ba kane ka Committee kan ïalam da ka jingvision, ka jingshisha, bad ka jingkitkhlieh kaba khraw. Ka lawei jong ka kam ïalehkai ha Tripura ka shong ha kane.”
Ki dkhot jong ka IOA Adhoc Committee, u Bah John F Kharshiing, Chairman & President jong ka Meghalaya Olympic Association, u Bah Robert R Royte, President jong ka Mizoram Olympic Association, bad u Bah Bamang Tago, Secretary General jong ka Arunachal Olympic Association, ki ai ka jingïaroh kaba khraw sha:
Dr. Manik Saha, Myntri Rangbah ka jylla Tripura
U Tinku Roy, Myntri ka Tnad Youth Affairs & Sports, Tripura
U Secretary, Tnad Youth Affairs & Sports
U Director, Tnad Youth Affairs & Sports
U Secretary, Tripura Sports Council
U Ratan Saha
U Sujit Roy
Advocate Kundan Pandey, RO/ARO
Bad ki ophisar bad nongtrei jong ka Tnad Youth Affairs and Sports
Ka jingïatreilang, ka jingïarap, bad ka jingïalam lynti jong ki ka la long kaba kongsan ha ka jingpyndep ïa kane ka jingjied nongkitkam kaba khraw.
Ka IOA-Adhoc Committee ka ai ka jingïaroh sha baroh ki nongïashim bynta, ki seng ïalehkai, ki ophisar, bad ka kynhun ïalehkai jong ka Tripura halor ka jingïashim bynta bad ka jingïarap jong ki ban pynim biang ïa ka jingiaid lynti jong ka Olympic Movement ha ka jylla.
Kane ka sngi ka pyni ïa ka jingïaroh ba thymmai sha ka jingpyrshang ban pynïoh ïa ka jingjop ha ka kam ïalehkai ha Tripura.
La pynmih da ka IOA-Adhoc Committee, Tripura ha ka jingïatreilang bad ka Indian Olympic Association Camp: Agartala