Shillong: Hadien lai bnai naduh ba la hiar shuki u Biren Singh ha u Rymphang mynta u snem, mynta ka sngi ka 28 tarik Jymmang, 2025, ki 44 ngut ki MLA kila iatylli ban thaw sorkar thymmai ha Manipur.
Kine ki MLA hapoh ka jingialam ka BJP kila pyntip sha u Lat katei ka jylla u Ajay Kumar Bhalla ba kila khreh ban thaw noh ia ka sorkar thymmai.
Ha ka kyrwoh u MLA ka BJP u Thounaojam Radheshyam ula pynbna ba ki 44 ngut ki MLA kila khreh ban thaw iaka sorkar thymmai watla ka shong ha ka bor jongka sorkar pdeng. Kane ka kynhun ka don 44 ngut ki MLA lait noh 5 ngut na ka Congress.
Lah ban kdew ba ka jylla Manipur ka la don hapdeng ka jingkynad kaba jur naduh u 2023 haduh ba ka la pyllong ia u Myntri Rangbah u Biren Singh ba un hiar shuki noh bad la pynjari da ka President Rule ha katei ka jylla.
Kumba 260 ngut ki briew kila duh ia la ka jingim ha ka jingiakynad bad kumba 60 hajar ngut kila hap ban kynriah jaka naka jingiakynad hapdeng ki Meiteis bad ki Kukis.
Ha jyllla Manipur kaba don 60 ngut ki MLA, ka BJP ka don 32 ngut, ka NPP 7 ngut, mar 5 ngut ka Congress, bad ka NPF, JDU 6, 2 ka KPA, 3 IND.
Hadien 3 bnai ba synshar u Lat, iatylli 44 ngut ki MLA ban thaw biang ia ka sorkar ha Manipur
