Shillong: Ia ka madan phutbol phlang plastic la plie mynta ka sngi ka 27 tarik Jymmang 2025 ha Rongrenggre, Williamnagar, East GaroHills.
Kane ka madan kan ka lad ia ki samla ha ka jingialehkai phutbol ha katei ka thain bad la plie da u myntri Rangbah u Conrad K Sangma. Haba kren ha kane ka sngi, u Conrad ula ong ba 25 tylli ki madan kiba kum kane ki dang iaid ha ka jingtrei katba sa 35 tylli yn sa mang shuh ban shna ha ka jylla.
U la ong ba ka spah kaba rben tam ka dei ki samla bad lada lah ban ai ka jaka kaba biang, kan plie ia ka lad na ka bynta jongki na ka bynta ka spah jong ka jylla bad ban pyllong ia ka Meghalaya kum ka karkhana pynmih nongialehkai ba pawnam ha ka ri.
Kum ka dak ba plie ia kane ka madan, u myntri rangbah ula thep kol syndon jlang ha kane ka sngi. Ka la don ruh ka jingialehkai paralok hapdeng ka East Garo bad ka West Garo Hills.
Thep kol u Conrad ba plie ia ka madan kynjatbol ha Williamnagar
