Shillong: U myntri rangbah ka jylla u Conrad K Sangma ula pynbna mynta ka sngi, ka 27 tarik Jymmang, 2025 ba ka Tura Secretariat kan treikam kum ka Additional Secretariat ia ki paidbah ka rilum Garo.
Ia kane ula pynbna haba kren ha ka jingialang ha Samanda bad ha Williamnagar, ha kaba ula pynlait paidbah ruh ia ka dur jong ka Tura Secretariat.
U la ong ba ha kaba nyngkong, ka sorkar kala pynwandur kum ka Mini Secretariat hynrei ka sorkar ka la sngew ba dei ban tei ban don lut baroh ki tnad sorkar kynthup ka ophis u Myntri Rangbah bad ki babu sorkar.
U la ong ba ki briew na Garo Hills ki hap ban leit shaduh Shillong ban pyndep ia ki kam sorkar bad ka jingmut ka Tura Secretariat ka long ban pynthikna ba ki briew na Garo Hills kin suk ban pyndep ia ki kam ophis Tura.
Haba nyngkong la mang ia ka Mini secretariat ha Tura ha ka jinglut kaba ₹30 klur hynrei la pynkiew sha ka ₹150 klur.
Ka jingpyndep ia ka jingtrei jong ka bynta ba nyngkong kan long ha u Kyllalyngkot 2027.
Ka Additional Secretariat ha Tura ba T.150 klur, pynbna u Myntri Rangbah
