Shillong: Ka myntri rangbah ka jylla u Conrad K Sangma ula sam smartphone sha ki nongtrei Asha ne Anganwadi ha ka jingialang kaba long ha St George Higher Secondary School ha Samanda, East Garo Hills.
Ha kane ka prokram kaba long mynta ka sngi, 27 tarik Jymmang 2025, la don lang u myntri ka tnad Social Welfare bah Paul Lyngdoh, u myntri PHE u Marcuise N Marak bad kiwei.
Ka jingmut jong kane ka jingsam Smartphone ka long ban pynbha ia ka rukom treikam ki Asha.
Ka Ministry ka Women and Child Development ka la mang T. ₹6 klur ban thied 6,162 tylli ki smartphone ia ki Asha.
Ha kane ka Smartphone la thep ia ka POSHAN App ban pynlah ia ki nongtrei Asha ban buh rekod ia ki jingtip bad kane kan pynbha pynsmat shuh ia ka rukom treikam jongki.
Ki Asha kin leit ban lum jingtip tista ia ki khunlung ba dang kha haduh 6 snem khamtam ban thew ia ka jingkhia bad ka jingjrong jongki ha kaba kin thep pat ia ka jinglum jingtip ha ka POSHAN Tracker.