Shillong: U khlieh ka seng RJD u Lalu Prasad Yadav ula beh seng noh iala u khun heh jong u, u Tej Pratap Yadav haduh hynriew snem.
Kane ka jingbeh seng u Laloo ia la u khun ka long hadien ba la paw ha ka Social Media ba ula shon dur bad don ka jingiadei bad ka samla ka Anushka Yadav la 12 snem.
Kane ka jingpaw pyrthei, ka la pynshaiong ia ki paidbah ka Bihar namar ba u Tej Pradtap Yadav u dang don ka mukotduma bad ka lok jong u, ka Aishwarya kaba ula iashong hau 2018.
Kane ka jingpaw pyrthei ka la pynkhie bitar jur ia u Laloo kaba pynjah burom ia ka longing jongu, haduh ba un shim ia ka rai ban beh seng syndon iala u khun, khamtam ba ka Bihar kan leit sha ka elekshon ha ki bnai ban wan.
Hynrei halor kane, u Tej Pratap Yadav ula kam ba ia ka Facebook account jongu la shah hak.
U Tej Pratap Yadav iashong kha bad ka Aishwarya Rai, ka pyrsa u chief minister barim ka Bihar u Daroga Rai. Hynrei kham hadien, ka la mih ka kynrum kynram bad ka dang don ka jingiakhun mukotduma ha Kashari.
U Laloo ula ong ba kane ka jingleh u khun jongu, ka dei ka jingbym kitkhlieh bad kaba ktah ia ka burom ka ijot ka longing longsem.
Na ka daw ka samla, beh seng u Laloo ia la u khun 6 snem
