Shillong: Uwei u khar Bangladesh ula shah kem ha ki pulit ka Sohra na jaka peitkai ka Seven Sister Falls ha Sohra hadien ka jingkthong ki pulit na ka jingthmu ban phet krad na jaka talasi ne ka naka.
Katkum ki pulit, hynnin ka sngi ka 24 tarik Jymmang, 2025, katba ki d ang pyllong ia ka jingtalasi kali ha ka por 4 baje janmiet ka , kila pynsangeh ia kawei ka Maruti A Star rong silver kaba don u number AS01-AP-0928, hynrei ka khlem sangeh bad ka la kynthih wut ia ka jaka talasi.
Halor kane, ki pulit kila kthong wut ia kane ka kali haduh ban ioh khang syndon ha Seven Sisters Fall, Sohra bad ioh kem syndon ia ki, ba kynthup uwei u khar Bangladesh u Robiul Islam (32 snem) uba trei kum u electrician ha Banglaore bad u la kam ban leit sha Bangladesh. Une u khar Bangladesh u dei uba ju pyndonkam bhai a kane ka lynti iaid na Meghalaya sha Bangladesh.
Nalor une, la ioh kem ruh sa ar ngut kiba iarap ia u kynthup u Sujit Hajong (32 snem) bad Ravi Singh (38 snem) kiba dei na Ichamati Bazaar, East Khasi Hills. Ki pulit ki dang tohkit ia kine bad la pynngat ha ka Foreigners Act.
Kthong ki pulit ia ka kali ba kynthih ia ka Naka, ioh bat ia u khar Bangla ha Seven Sister Falls
