Shillong: Ar ngut ki shi samla na ka ri Israel kila shah siat iap ha kane ka sngi Balang ha u briew uba la pyrta Palestinian ha Washington, USA.
Kane ka jaka kaba ki shah siat iap, ka don hajan ka Jewish Museum ha Washington DC. Kine ki dei ki nongtrei ka Israel Embassy ha USA.
Une uba shah kynnoh ban siat iap ia kine ki shi samla u pyrta ruh pyllait laitluid ia ka Palestinian. La tip kyrteng ia u kum u Elias Rodrigues na Chicago uba la 30 snem.
Halor kane ka jingjia, u Prime Minister ka Israel u Benjamin Netanyahu ula byrthen ba kane ka dei ka kam ki riew pyntriem kiba thmu ban pynduh jait ia ki Jew hynrei ki Jew kin ym pyndem bad ki iai iakhun na ka bynta ka jingsuk.
Ula byrthen ia ki Hamas ba ka Israel kam ym sangeh ban iakhun haduh ban da jop da ka hok bad ka jingshisha.
U Netanyahu ula kynthah ruh ia u Prime Minister ka United Kingdom, u President ka France halor ka jingkren jongki ban sangeh iasiat namar ba kane ka dei ka sienjam ban pynshlur ia ki Hamas. U la ong ba ka jingiakhun ka Israel kam dei ia ki paidbah ka Palestinian hynrei pyrshah ia ki riew pyntriem ki Hamas. U la ong ba ka Israel ka la shah ruh ia ki trok ban kit marbam ban rung sha Gaza na ka bynta ki paidbah ka Palestinian. Bad ula kyntu ia ki paidbah ka pyrthei ban ym shah ialam bakla ha ka khubor kaba thok jong ki Hamas ha kaba kila kynnoh ba ka Israel ka hiar thma ia ki paidbah, namar ba kane ka dei ka jingthok.
U la ong, “Ngin iohi iaka jingjop jong ka jingshai pyrshah ia ki kam riew khlaw’.
Byrthen u PM ka Israel ia ki Hamas ba shah siat iap shi samla na Washington
