Shillong: U President ka America u Donald Trump ula pdiang ia ka eroplein Boeing 747 kaba la ai sngewbha ka ri Qatar ha ka jingleit jngoh jongu dang shen.
Kane ka eroplain ka shong dor kumba 400 million US dollar kaban pyndonkam u Trump hadien ba la pynbiang ia ki jingdonkam. Ia kane la pyntip u Nongaiktien ka Pentagon u Sean Parnell.
La pyntip ba u Trump ula pdiang ia kane ka eroplain hadien ba la bud ia ki kyndon ain jong ka America.
U Trump ula ong ba kane ka jingai sngewbha ka dei na ka ri Qatar bad yn pyndonkam da ki shipai Air Force.
Ka la don ruh ka jingkynthoh na ki briew ka America ba ka jingpdiang ia kane ka eroplein kan ktah ia ka America namar ba ka lah ban long kum ka jingriam ia ka USA ha kaba kan wanrah ka jingsngew raiñ kaba lah ban pynjem mynsiem noh ia ka America ban shim ia ka sienjam ba tyngeh lada don kano kano kaba pyrshah tang namar ba ktah ka mynsiem na kane ka jingai sngewbha.
Pdiang u Trump ia ka eroplein Boeing 747 ba ai sngewbha na Qatar ba shong dor 400 million
