Shillong: Mynta ka sngi, 22 tarik Jymmang, 2025, u myntri rangbah ka jylla u Conrad K Sangma ula leit rung ha kawei ka skul kaba jot rathai hynrei kaba la sain dur ia ka longbriew manbriew naduh u snem 1976.
Kane ka skul ka dei ka skul Nongspung A Garo Lower Primary School kaba la don la 49 snem ha ka Shnong Nongspung A, kaba hap hapoh ka Jirang Block jong ka Ri-Bhoi District.
Wat hapdeng kine ki jinglong jingman ki bym shngain bad bun ki jingtynjuh, ki jingai jinghikai ki dang iaid beit shaid shaid namar ha ki briew jong ka thain, tang ka skul ka dei ka jingkyrmen jongki ban ai ka jingshakri ia ki khynnah kiba wan na ki longiing kiba duna ka jingioh.
Haba pynpaw ia ka jingsngewkhia ia ka jingjot rathai jong ka iingskul, u Myntri Rangbah ula kular ban tei thymmai noh ia ka Iingskul ka ban iaid da ki bynta bynta.
Ula pyntip ruh ba yn tei ia katei ka Iingskul na ka Chief Minister Special Development Fund (CMSDF), ryngkat ka jingkyrshan na u MLA ka thain bah Sosthenus Sohtun bad ka Sarva Shiksha Abhiyan (SSA).
U Conrad ula noh synniang ruh ia ka acoustic guitar bad ki bol phutbol sha ki khynnah skul.
Ki khynnah ki peitkai ruh katba u Myntri Rangbah ula ai jinghikai ia uwei u khynnah skul kumno ban tem ia ka guitar.
U myntri rangbah ula kawut ruh ka bam sla ha kane ka sngi ryngkat ki paidbah bad ki ophisar sorkar.
Leit rung u Conrad ia ka skul kaba jot rathai, bam sla bad ki paidbah
