Shillong: U Symbud myntri rangbah ba peit ia ka tnad District Council Affairs u bah Prestone Tynsong ula lum ia ka jingialang jongki tnad sorkar kynthup ka tnad Urban Affairs, District Council, Finance ban iathir halor ka skhim kaba ai ka sorkar India lyngba ka 15th Finance Commission.
Haba kren sha ki lad pathai khubor, u bah Prestone ula ong ba ka la don ka jingeh ha kaba iadei ban pyntreikam ia ki skhim da ka district council ha ki jaka ba hap ha sor namar ba ka kyndon kam shym la kren shai.
U la ong ba ka grant jong ka 15th Finance Commission ka kren tang ia ki jaka sha nongkyndong bad ha ka jingialang la iathir bad la kyrpad ia ka tnad Urban Affairs ban wad ia ki lad ki lynti, khnang ba ki district council kin lah ban pyntreikam ia kane ka skhim ha ki jaka ba hap ha sor.
“Mynshwa haba ka 15th Finance Commission ka ai skhim, la shu ai beit sha ki District Council bad ki MDC ki iasam hapdeng jongki hynrei naduh ba ka sorkar pdeng ka la pyntreikam da ka Portal, kam pdiang ia ki projek kiba la phah ki MDC kiba dei ha konstitwensi sor bad ka pdiang tang ia kiba dei ha nongkyndong”, la ong u bah Prestone.
U bah Prestone ula ong ba ka mih ka jingeh ka dei hadien ba ka sorkar pdeng ka la shna ia ka online portal ha kaba kam pdiang ia ki kyrteng kiba hap ha jaka sor.
Duh skhim ki MDC sor na 15th FC bym pdiang ka portal
