Shillong: U Symbud myntri rangbah ka jylla u bah Prestone Tynsong ula ong ba u kyrshan ia ka jingpynshai u symbud myntri rangbah u bah Sniawbhalang Dhar halor ka jingkynnoh ka seng HNLC.
Dang shen, u bah Sniawbhalang ula pynshai ba um donkti eiei kumba la kynnoh ka HNLC ba u bei pisa ia ka seng ha ki snem ha ka por ba u long myntri ha ka sorkar Congress. U bah Sniawbhalang ula ong ba ka jingkynnoh ka dei tang ka jingthmu ban thohbria ia u hynrei kampher namar ba u Blei un nang iai kyrkhu katba ki dang kynthoh.
Halor kane, u bah Prestone ula ong ba u bah Sniawbhalang ula pynshai ba um don eiei ka jingiadei bad kata ka la biang bad u la kyntait ia ka jingdawa ka Congress bad ka VPP ban thung ia ka jingtohkit halor kane ka jingshah kynnoh u bah Sniawbhalang.
U bah Sniawbhalang ula ong um don bynta eiei bad ka jingkam ka HNLC, ong u bah Prestone
