Shillong: Ka Khasi Hills Autonomous District Council (KHADC) ka la pynshai ba ka khyrdop khrong khajna ia ki kali bar jylla kaba la buh ha Umdihar, ka dang shu plie shi sngi hynrei la shah khang noh tang hadien shi sngi.
Haba pynshai mynta ka sngi ka 20 tarik J, u Executive Member ba peit ia ka tand Trade, u bah Winston Tony Lyngdoh ula ong ba ia kane ka khyrdop ha Umdihar la plie da ka KHADC hadien ba la ai wai ha ka dor 80 hajar shi snem bad ka dei kaba ju buh ka Council naduh mynshwa.
Hynrei ula pynpaw ia ka jinglyngngoh ba ka bor district ka Ri-Bhoi ka la khang noh tang shi sngi ba la plie. Ula ong ba ha ka jingshisha, la ioh ia ka NoC na ka dorbar shnong, bad la ai jingthoh sha ka bor district bad ia u SP ka Ri- Bhoi ruh halor kane.
Ha kajuh ka por, u Executive Member, Bah Powell Sohkhlet u la ong ba ka Council ka la aibor ban pynïaid ïa katei ka khyrdop katkum ki kynton aiñ ba la ai bor hapoh ka Khyrnit ba Hynriew, ym ba la shu leh beaiñ da ka KHADC.
Ia ka khyrdop la plie ha ka 15 Jymmang hynrei la shah khang noh ha ka 16 tarik Jymmang.
U la ong ka jingkhang ka dei ka jingleh donbor ka bor district, namar mynshwa kane ka khyrdop ka la don, hynrei ym don ba leh eiei īa kane katba mynta kynsan kynsan ki khang khlem da pan jingpynshai.
Mar ia plie shi sngi, shah khang noh ka khyrdop lum khajna ka KHADC
