Shillong: U symbud myntri rangbah ka jylla u bah Prestone Tynsong ula ong ba kano kano ka khyrdop khrong khajna, ka dei ban iaid katkum ka ain bad kano kano ka bym shah ka ain, hap ban khang beit.
Haba kren mynta ka sngi, halor ka jingkynnoh ka VPP ba ka bor district ka la khang ia ka khyrdop khrong khajna ka KHADC ha Ri-Bhoi, u bah Prestone u la
ong ba kano kano ka khyrdop khrong khajna ne ka khyrdop talasi, ka dei ban kyrshan da ka bor jong ka ain bad lada ka ain, kam shah, hap ban shu khang beit.
Ka KHADC ka la takrain ia ka bor district ka Ri-Bhoi halor ka jingkhang ia ka khyrdop khrong khajna jong ka Council ha surokbah NH-6 ha Umdihar.
Ki khyrdop khrong khajna kiba khlem ain, hap khang beit, ong u bah Prestone
