Shillong: Ka Meghalaya State Commission for Women ka la ithuh ia ka Kong Finelist Thangkhiew kum kawei na ki nongialam naduh tynrai ne “Grass Root Women Leaders.
Shi bynta halor kane ka burom, ka Synjuk Bhalang ki Kynthei Raid Nongkseh ka la pynkup burom ia ka kong Finelist ha ka 17 tarik mynta u bnai. Shwa ia kane, ka kong Finelist ka la shah pynkup burom ha ka Women Commission ha ka 7 Tarik Lber 2025.
Ka Kong Finelist ka la trei kum ka adviser naduh ka snem 1982 jong ka Synjuk Bhalang ki Kynthei Raid Nongkseh. Ha kane ka sngi pynkup burom, la don lang baroh ki dkhot.
La ioh ruh ka jingkren na u Rangbah Shnong Raid Sawkur Nongkseh, bah bah Myrank Thangkhiew bad kiwei.
Ka kong Finelist kum ka nongialam ithuh ka Women Commission
