Shillong: Ka video kaba la saphriang ha Facebook account Silgring D Sangma Sangma kala saphriang bha ha Social media kum ka Facebook bad Whatsapp ha kaba ar ngut ki briew kila pyrta pyrshah India bad pynsaphriang ia ka ktien isih nim ha ka ktien Garo bad kyrshan ia ka Pakistan ha ka jingshah siat iap ki briew ha Pahalgam.
Kane ka video ka long pyrshah ia ka ri India khamtam kan wanrah ia ka jinglong jingman kaban ktah ia ka jingiatylli ka ri.
Halor kane, ka bor district ka North Garo Hills District ka la ujor ejahar ha 15-05-2025 ha Bajengdoba Police Station pyrshah ia ki briew kiba donkti ha kane ka kam bad halor kane ki pulit kila rejister mukotduma katkum ka Section 152/197(1)(d) BNS, 2023.
Ha ka jingtohkit, ki pulit ka North Garo Hills kila ioh kem ia ar ngut ki briew kiba donkti ha kane ka kam kiba kynthup u Silgring D. Sangma na shnong Chorebolbok bad u Asbath B. Marak na shnong Chambildam kiba hap ha Bajengdoba Police Station, North Garo Hills.
Ia kine la kem ha ka 17-05-2025 bad ka jingtohkit ka dang iaid.
Shah kem 2 ngut na North Garo Hills ba pyrta pyrshah India
