Shillong: Ka sorkar jylla ka la pynkhreh ban kyntiew ia ka lynti iaid kjat ne trekking na ka thain Raid Nongblai kaba don bun tam ki jingkieng jri haduh 13 tylli sha ka Raid Wahkhen kaba dei jong ka shnongka put ka tem tynrai, kiba hap ha Pynrusla Civil Sub-Division.
U myntri rangbah ka jylla u Conrad K Sangma mynta ka sngi, 17 tarik Jymmang 2025, ula hiar sha ka shnong Wahlyngkhat kaba hap ha ka Raid Nongblai ha kaba ula leit jngoh ruh ia ka law kyntang kaba hap hiar sha them.
Ka sorkar ka la pynkhreh ban buh ia ka Living Root Bridges Experience Centre ha Wahlyngkhat bad ia ka Residential Music Retreat ha Wahkhen ha kaba ki nongwankai kin mad ia ka jingmang ka jingiaid kjat, ka jinglong jingman ka thain, ka mariang bad ki khanatang bad kumjuh ban ioh iaid ha ki jingkieng jri, ban leit pynum pat ia ka shkor da ka sur tynrai sha shnong Wahkhen.
U Myntri Rangbah ula ong ba ki briew kiba wankai kin ioh mad ia ka kolshor, bad ka jinglong jingman jong ka thain.
Ula ong ba kane kan wanrah ia ka jingkylla ha ka ioh ka kot jong ki paidbah katei ka thain na ka kam jngohkai.
Ka Museum jingkieng jri ha Wahlyngkhat, ka Music Centre ha Wahkhen
