Shillong: Ka India ka pyndonkam da u kudi nar noh iap ne Suicide Drone uba khot u Harop ba la shna ka ri Israel, ban khyrwit ia ki ktem shipai ka Pakistan dang shen.
U Kudi Nar Harop u dei u tiar thma u bym ju wan phai iing shuh namar ba ka kam jongu, la shna ba un shu hiar thma da kaba noh iap syndon ialade ban pynjot ia kano kano ka jaka kaba la buh thong. U lah ban krih kumba 6 kynta ha suin ban syntiat bad thew ia ka sohpdung ba u mut ban khyrwit bad mar biang ka jingthew, u khyrwit dain.
Ia une u Kudi Nar la shna ka MBT Missiles Division, ka Israel Aerospace Industries. Ha met jong u, u kit ia ki namding khlem da donkam briew. U lah ban pynlko ia ki radar, ki ktem shipai, ki tank thma, surface-to-air missile (SAMs).
La shna ia une u kudi nar da ka EO-IR kaba mut Electro Optical Infrared ha kaba u lah ban leh ia ka kam wat haba la pynlip ruh ia ka radar. U lah ban her bad khyrwit na kynriang ruh bad la wanrah sha India ha u snem 2009.
Da u Kudi Nar noh iap, pyndonkam ka India ban khyrwit ka India ia ka Pakistan
