Shillong: Ka India ka la kam ba ka la pynhap khyndew bun tylli ki jet iapom ka Pakistan bad da ki spah tylli ki drone ka Pakistan ha ka Operation Indoor.
Haba kren sha ki lad pathai khubor, u Director General of Military Operations (DGAO) ka Air Force u Air Marshal AK Bharti u la ong ba ki jet ka Pakistan kiba la thmu ban wan rung sha India kila shah khang lynti ha ki shipai ka India ha khappud bad katto katne kila hap sha khyndew.
Ia kane ula ong haba kren sha ki lad pathai khubor mynta ka 11 tarik Jymmang, 2025. Watla um shym la iathuh ia ki jet ka Pakistan ba ka India ka pynhap khyndew hynrei ka khubor ka la ong ba ki jet F-16 bad JF-17 fighter jet ka Pakistan kila shah pynhap sha khyndew.
U Air Marshal u la ong ba hadien ba ka Pakistan ka la wan ban pyrshang ban siat ia ki ktem shipai ka India, ki shipai ka India ki hap ban pynphai kylla bad na kane ka jingther ka India, ki ktem shipai suin ka Pakistan kum ha Chaklala, Rafiqui, Chaklala kiba don ha Islamabad kila pra.
U Air Marshal AK Bharti ula ong ba ka thong ka India ka long ban ther ia ki ktem lehnoh ki riew pyntriem kiba kyrshan bad iada ka Pakistan hynrei namar ba ka Pakistan ka pyrshang ban thom, ym banse ban the ria ki bor shipai jongka ruh.
Ka India bad ka Pakistan kila iamynjur ban sangeh iasiat ha kane ka sngi Saitjain hadien ba u heh shipai ka Pakistan ula phun sha u heh shipai ka India.
Nalor ki jet iapom, pynhap khyndew ka India da ki spah tylli ki drone ka Pakistan
