Shillong: U heh shipai duriaw u Director General of Military Operation (DGMO) u Vice Admiral AN Pramod ula ong ba ki shipai duriaw ka India kila long kiba la khreh bha ban khyrwit na duriaw ia ka Pakistan lada ka dang iai mlien ban bteng ia ki kam thombor.
Haba kren sha ki lad pathai khubor mynta ka 11 tarik Jymmang, 2025, u AN Parmod ula ong ba ki shipai duriaw ka India kila pynap ban ther ia ki shipai ka Pakistan la ka dei ha duriaw ne ha ryngkew ruh da ka Operation Sindoor.
U la ong ba ki shipai duriaw ka India kila pynkhreh bha bad peitngor ia ki shipai ka Pakistan watla ka India kam kwah ban pynjur hynrei kam riej ban khyrwit lada ka Pakistan ka wan thombor.
U la ong ba hapoh 96 kynta ba ki lehnoh ki siat iap ia ki briew ha Pahalgam, ki shipai duriaw ka India kila pynkhreh ha duriaw ka Arabian ban iatyngkhuh bad ki nongshun.
Shuh shuh ula ong ba ki shipai duriaw ka India ki la pynap ban khyrwit na duriaw Arabian ia ka nongbah Karachi ka Pakistan ruh.
Na duriaw Arabian, pynkhreh ka India ban ther ia ka nongbah Karachi
