Shillong: Ka India ka la thalain tyngeh ia ka Pakistan kaba khlem bat ia ka jingiateh ktien ban sangeh ia ka jingiasiat bad ka la bteng haduh mynta mynmiet ruh. Halor kane, ka India ka la kyntu ia ka Pakistan ba kan don ka jingkitkhlieh bad ka jingshim khia namar ba ka India kan pynphai bad long kaba khreh ban ther kylla.
Mynta ka miet ka 10 tarik Jymmang, 2025, u Foreign Secretary ka India u Vikram Misri haba kren sha ki lad pathai khubor, u la ong ba ka Pakistan ka la pynkhein ia ka jingiakut sngewthuh jingmut ban sangeh iasiat kumba la iakren u Directors General of Military Operations ka India bad ka Pakistan.
U la ong ba kane ka dei ka jingpynkhein ia ka jingiakren sngewthuh jingmut kumba la kren hynne ka janmiet. Halor kane ka jingleh ka Pakistan, ka India ka la ai ia ka jubab jongka bad ka la shim khia bha ia kane ka jingkylla jutang ka Pakistan.
Ki shipai ka India kila long kiba peitngor bad phikir bha halor kane ka jinglong jingman bad la ai bor pura ba kin leh ia kaba donkam lada ka dawa ka kam halor kane ka jingpynkhein ha ka thain khappud bad ha u Line of Control, la ong u Foreign Secretary Vikram Misri.
Pynkhein ka Pakistan ia ka jingiateh ktien, bteng ban ther ha LoC bad ha khappud
