Shillong: Ka Operation Sindoor ka India ka la pynjur ia ka jingkhyrwit ha ki ktem ki lehnoh ka Pakistan, kaba la wanrah ka jingiap kumba 100 ngut ki lehnoh kiba rieh ha Pakistan.
Ha kajuh ka por ka India ka la lah ban pynpulom ia 8 tylli ki namding ba siat ka Pakistan bad 3 tylli ki drone bom. U drone ka Pakistan u la khyrwit ha kad liengsuin ha Jammu hynrei ki shipai ka India kila pynpulom noh ha Jaisalmer bad ha Pathankot.
Ka India ka la pynjulor ruh ia ki liengsuin syntiat ka Pakistan ka Airborne Warning and Control System (AWACS). Kane ka la long ka jingduh kaba khraw ia ka Islamabad namar ba ka jingshah pynjulor kine ki liengsuin syntiat. Ka India ka la pynjulor ia kine ki liengsuin syntiat ka Pakistan ha Punjab bad lai tylli ki jet F-16 ka Pakistan kila pra phom bad ar tylli ki JF-17 fighter jet kila hap sha khyndew ha ka miet sngi Palei ka 8 tarik Jymmang 2025.
Ka India ka la khyrwit ruh ha ka nongbah Lahore ka Pakistan ha kaba ka la pynjulor ia ki radar system jong ka Pakistan.
Ka India ka la ioh kem ruh ia u pilot ka Pakistan Air Force hadien ba ula kynthih na ka Fighter Jet hadien ba shah siat ha ki shipai ka India. Une u pilit ka Pakistan u la don ha kti ki shipai India.
Iap kumba 100 ngut ki lehnoh, shah kem u pilit ka jet ka Pakistan, pynpulom ka India 8 tylli ki namding bad 3 tylli ki drone ka Pakistan
