Shillong: U Chief Executive Member (CEO) ka Shillong Municipal Board ula bthah ia kito ki nongdie madan kiba la ithuh katkum ka kyndon ka ain, ba kin leit shim noh ia ki syrnod jongki, khnang ba ki lah ban die madan.
Ha ka kyrwoh kaba la pynmih ka sorkar ha ka 6 tarik Jymmang, 2025, la ong ba u chairperson jong ka Provisional Town Vending Committee uba dei u Chief Executive Officer, Shillong Municipal Board ula pyntip ba ka Provisional Town Vending Committee ka la pyndep ia ka jingsorjamin ha ki jaka ba die madan ha kylleng ki jaka ba hap hapoh ka Shillong Municipality katkum ka Section 3 (1) jong ka “The Street Vendors (Protection of Livelihood and Regulation of Street Vending) Act, 2014” bad katkum ka “The Meghalaya Street Vendors (Protection of Livelihood and Regulation of Street Vending) Schemes 2023”.
Ka syrnod nongdie madan ne Certificate of Vending sha kito ki nongdie madan kiba la ithuh ha thain Khyndai Lad ki dei ban leit shim noh ia ka syrnod na ophis u Chief Executive Officer, Shillong Municipal Board ha ka por long trei.
Lah ban kdew ba kumba 300 ngut eiei ki nongdie madan ha thain Khyndai Lad kiba la ithuh ka sorkar jylla hynrei na ka liang, ka seng ki nongdie madan ki la kam ba kila don 5 hajar duna eiei ki dkhot ba dei ki nongdie madan.
Phah leit shim syrnod ka Municipal ia ki nongdie madan ka thain Khyndai Lad
