Shillong: Mynta ka step 7 tarik Jymmang, 2025, ka India ka la khyrwit da u namding ha ki 9 tylli ki jaka kiba la dei ki ktem ki lehnoh ha Pakistan kiba suba hiar thma bad siat iap ia 26 ngut ki nongleitkai ha Pahalgam.
La ioh jingtip ba kumba 80 ngut ki lehnoh na ka seng Jaish-e-Mohammed (JeM), Lashkar-e-Taiba (LeT), bad ka Hizbul Mujahideen kila iap ha kane ka jingkhyrwit ka India.
Kane ka jingkhyrwit ka India ka neh kumba 25 minit eiei bad ka jingleit ther ia kitei ki ktem lehnoh ka dei katkum ka jingtip kaba bniah bad kaba la jied sani bha, khnang ban ym ktah sha ki riew paidbah. Ka India ka la kam ruh ba kam shym la ther ha ki ktem shipai ka Pakistan.
Ka jingjulor kaba jur ka dei ha ktem ka JeM ha Bahawalpur bad ha Muridke, bad la kam ba ka jingiap ki lehnoh ka long hapdeng 25–30 ngut.
Na kine ki 9 tylli ki jingther namding, saw jaka ki dei kiba hap ha ka Pakistan katba san tylli ki dei ki jaka kiba hap ha ka Pakistan Occupied Kashmir.
Mynstep phyrngab ther namding ka India ha 9 tylli ki ktem lehnoh ha Pakistan, iap kumba 80 ki lehnoh
