Shillong: Mynta ka sngi, ka 6 tarik Jymmang 2025, ka KSU West Jaintia Hills District Unit hapoh ka jingialam u President samla Laitphar Syngkrem, samla Chanbor War u Vice president bad samla Balawantei Suchiang u Assistant General secretary, kala khynra ia ki briew kiba dei ki Bar Jylla kiba wan sah beain bad buh dukan hapoh ka iew Jowai.
Ha ka jingleit khynra ka seng, la don ki dukan kiba lah khang lupa shwa tang shu ioh jingtip ban wan khynra seng.
Ha kane ka jingkhynra la shem ba kiba bun hi ki dukan ki dei ki bym don ia ki kot ki sla ban pynshisha lane wat tang ka EPIC Card ruh kim don lait noh tang ia ka NOC kaba la ai da ka dorbar shnong. Halor kane, ka Seng ka la phah khang khyrdep lut ia baroh.
Ha kane ka jingkhynra dukan bar jylla, ka seng ka la kyndit ba uwei na ki nongialam kynhun sengbhalang ula kloi ban wan kam trai ia ki dukan ba shong u bar jylla hynrei ki bar jylla kiba trei kim shym la don ki kot ki sla kiba shisha ban pyntikna ba ki dei ki Nong India.
Talasi dukan bar jylla ka KSU ha Jowai, lap bun kiba khlem kot
