Shillong: U Symbud myntri rangbah ka jylla u bah Prestone Tynsong uba peit ia ka tnad kam pohiing mynta ka sngi ula lum ia ka jingialang bad ki bor district bad u IG BSF ban pynsted ban pyndep noh ia ka jingker sainar shiah ha khappud khnang ban shngain ki nongshong shnong.
Haba kren sha ki lad pathai khubor, u bah Prestone u la ong ba ki bor district kin lum ia ki trai jaka ban pynbeit ia ka jingker sainar namar ba ka jingsahteng ka dei na ka jingdon ki trai jaka kiba pyrshah. Ha Jaintia Hills kynthup ka East bad ka West Jaintia ka don 34 km eiei ki jaka bym pat lah ban ker sainar shiah katba kiba hap ha Khasi Hills, kiba sah ki don sa tang 8 km eiei.
Kane ka jingbthah ban pynsted ia ka jingker sainar ka dei hadien ba ka la mih ka jinglong jingman ha ka ri hadien ba ka jingjia shah siat iap ki 26 ngut ha Pahalgam, ha Jammu & Kashmir dang shen.
U bah Prestone ula ong ba ki don ki shnong kiba dawa ban kern a zero line hynrei kane ka jingker sainar shiah ka dei katkum ka ain jong ka pyrthei, hynrei ka sorkar jylla ka la phah jingthoh sha ka tnad kam pohiing ka ri ba kito ki jaka ha kaba ki shnong ki don hajan u zero line, ka dei ban ailad ban ker sainar ban pynhap ia ki shnong shapoh u sainar.
Phah pynsted pyndep ker sainar ha Jaintia bad Khasi Hills ba iakynad bad ka Pakistan
