Shillong: U Chief Executive Officer, ka Shillong Municipal Board ula pynbna iar mynta ka sngi 6 tarik Jymmang 2025, ba la khang pyrshah ban pyndonkam bad ka jingdie ia ki plastic kiba duna ia ka 120 micron kynthup ki dieng plastic jingkhlong shkor, dieng plastic balon, pla plastic, dieng plastic candy, dieng plastic ice-cream, polystyrene (Thermocol) ban pynitynnad, pliang plastic, pela plastic, ki shamoit plastic, tari plastic, tray plastic, jingsong plastic, bad ki phlim plastic ba song ia ki jingbam, ki kot jingkhot sngewbha, sikret, ki plastic thoh banner kiba duna ia ka 100 micron.
U Chief Executive Officer ka Shillong Municipal Board ula bthah ia ki dukan, ki nongkhaïi, kiba don hapoh u pud u sam ka Shillong Municipality ban sangeh mardor ban die ban pyndonkam ia kine ki plastic ba la khang.
Ban pynthikna ia kane, ka Municipal kan pyllong ia ka jingtalasi naphang ha baroh ki dukan, ki iew, bad lada lap ia kiba pyndonkam, yn pynshitom da kaba pynduh ia ka License.
Ki dieng plastic khlong shkor ruh la khang, Yn talasi naphang ka Municipal ha ki dukan
