Shillong: U Myntri Rangbah ka jylla Meghalaya u Conrad K Sangma, um tang ba u smat u sting ban leit krih ban leit peit ban pyntyllun ia ki kam pynroi sha nongkyndong, hynrei u dei uwei napdeng ki myntri rangbah ha ka ri, uba smat bad leh rit bha ban pyniadei bad ki paidbah.
Man ba u leit peit sha ki jaka nongkyndong, um pep ban ialeh sngewbha lang bad ki, bad dang shen haba u leit sha shnong Syntung, u iatem iarwai lang bad ka kynhun tem na kane ka shnong.
Mynta ka sngi ka 4 tarik Jymmang, 2025, ruh ha ka jingleit peit ia ki kam pynroi sha shnong Rengmalgre ula pyllut por shipor ban ialehkai kriket lang bad ki briew kane ka shnong. Ka shnong Rengmalgre ka hap ha ka Demdema C&RD Block ha West Garo Hills.
U myntri rangbah ula iakren iasyllok ruh bad ki samla kane ka shnong nalor ka jingiashim bynta ban ialehkai kriket lang bad ki.
Lehkmen lang u Conrad da kaba tied kriket ha Rengmalgre
