Shillong: Ka jingiakhih ba khlem pud ki dkhot ka Khasi Students Union (KSU) ka la iaid sha ka saw sngi saw miet kynthih namar ka jingbym don kano kano ka jubab na ka bor pyniaid ka NEIGRIHMS, ha ka rukom thungkam thungjam.
Hynrei la ioh jingtip ba u Director ula leit noh sha Delhi dang shen bad um shym la treh ban kynduh ia ki nongialam ka KSU.
Ki dkhot ka KSU kila thiah miet syndon da kaba rah tusok bad ka bam ka dih ha phyllaw ka Administrative Block ka NEIGRIHMS ban dawa ia ka hok ki para Khasi.
Ki dkhot ka seng kila pyllong ia ka jingleit tur da kaba rah da ki placard naduh ka sngi Palei hynrei na ka liang u Director ka NEIGRIHMS um shym la kwah ban kynduh bad u phet rieh nadien.
Ki pulit kila pyllong ia ka jingap pahara ha katei ka jaka namar ka jingiakhih ka KSU. U General Secretary ka KSU u samla Donadl V Thabah ula ong ba ka KSU kan shong beit haduh ba ka bor pyniaid NEIGRIHMS kan ai ia ka jubab kaba kmen. Ula ong ba la ioh jingtip ba u Director ka NEIGRIHMS ula leit sha Delhi bad na ka liang ka seng kam kwah shuh ba un wan bad ka bha ba un sah beit sha Delhi lada ym lah ban pynurlong ia ki jingdawa ka seng.
Her Delhi u Director ka NEIGRIHMS ba sahmiet ki dkhot ka KSU khui ha phyllaw ka Administrative Block
