Shillong: Ka Seng FKJGP South East Khasi Border Circle hapoh ka jingialam u Samla Kyrmen Shangdiar wat hapdeng ka jingpyrshang ban khanglad bad ban theh umpjah ia ka lynti iaid jong ka seng, hynrei mynta ka sngi 2/05/2025 ka seng ka la khynra Trading Lisence ha ki iew ka thain Hatmawdon bad Ryngku.
Ha kane ka jingkhynra, ka seng ka la lap ruh ba don ki bym don ia ki trading Lisence katba ki kamai bad khaii beit kumto bad na ka liang ka Seng ka la phah khang noh shisyndon ia ki dukan jong ki bar jylla bad don pat kiba dang ioh ban pynthymmai ia ki trading Lisence da ka jingaibor jong ki Hima.
U President jong ka Circle u la kyntu jur ia ki bor dei peit naduh ki Syeim ki sordar, bad iaka District council ban pyrkhing bha bad ban tehlakam ruh ban nym ai lad shuh ia ki ban ioh trading Lisence khnang ba ki trai shnong kin ioh ban seng ia ki kam kiba lah ban trei.
Ka kyrwoh kaba shai na ka seng ka long ba lada ki bor pyniaid kim lah ban teh lakam, kan sa shim ia kiwei pat ki sienjam.
Khynra trading license ka FKJGP Border circle ha Hatmawdon bad Ryngku
