Shillong: Ka Khasi Students Union (KSU) mynta ka 1 tarik Jymmang 2025, ka la pyllong ia ka jingshong kyrain hakhmat ka NEIGRIHMS ryngkat ki placard ban pynpaw pyrshah ia ka bor pyniaid kane ka hospital halor ka jingthungkam.
Mar mar ki pulit bad ki CRPF kila kerkut ia ka NEIGRIHMS ha ki jaka ba ki dkhot ka KSU kila pyllong ia ka jingshong kyrain.
Ka KSU ka la pyrshah jur ia ka jingwanrah ia ki Nurse nabar jylla ban thungkam ha kane ka jaka sumar naduh Rajasthan bad ka la dawa ba dei ban ai bhah kamg kham bun ia ki trai shnong ka jylla.
Na ka liang ki majistor kila iakren ia ki nongialam ka KSU halor kane ka jingiakhih ba kin mih noh na katei ka jaka.
Ka la ong ba ka sorkar jylla kam dei ban sait khuid ba kam lah ban tuklar ia ka NEIGRIHSM namar ba kane ka don ha kane ka jylla bad ka don ka hok ban tuklar na ka bynta ka jingbit jingbiang ki trai shnong.
Lah ban kdew ba ka bor pyniaid ka NEIGRIHMS ka la dawa pahara da ki CRPF hadien ba ki sengbhalang kynthup ka KSU, ka Hynniewtrep Youth Council (HYC) ka la leit ban tuklar halor ka jingthungkam ha katei ka jaka sumar, namar ba ki trai shnong kim shym la ioh kumba dei ban ioh bhah kam.
Pahara ki CRPF bad pulit ia ka NEIGRIHMS ba tur ka KSU da ki placard
