Shillong: Mynta ka sngi ka 1 tarik Jymmang 2025, ka thain Mairang kaba hap ha Eastern West Khasi Hills ka la mad ia ka jinghap u phria uba jur bad uba heh bha haduh ba ki lyngkha ki risa kila lieh shait.
Na ka jingjur ka jingksam u phria uba la wan lyngshop, ki don ruh ki iing kiba sop da ki tin kila pei thliew lut kumba ksam thliew haduh ba ki don kiba shah ktah na kane, ki hap ban wad jaka rieh.
Kane ka jinghap u phria ka la pynjulor ia ki jingthung jingtep ruh kaba lah ban wanrah ka jingdiaw pdik ia ki nongrep kiba la ap khmih lynti ia ka aiom ot kaba bha.
Katkum ka jingpyntip ki briew na katei ka thain Mairang, la iathuh ba kane ka jinghap phria ka la jia ha ka por 11 baje eiei mynstep bad ka la neh katto katne por.
Ksam u phria, pei thliew lut ki iing tin ha thain Mairang, lieh shait ki lyngkha
