Shillong: Ka sorkar jylla ka dang lum jingtip halor ka jingtih dewiong kylleng ki jaka hynrei ka kham shem jingeh namar ba ki jaka tih dewiong ki don sha jaka ba kham eh ban iaid ban ieng.
U nongaiktien ka sorkar jylla u bah Paul Lyngdoh u la ong ba ka sorkar kan leh katkum ka jingbthah na ka High Court, Meghalaya. Ha kajuh ka por, u la ong ba ka jylla kan sa lah ban tih dewiong da ka juk stad saian ha ki snem ban sa wan.
Ym lah ban len ba ka lah ban don ka jingkhaii ne tih beain ia u deiwong hynrei ka sorkar ka dang lum jingtip bniah halor kane.
U la ong ba ka jingplie dang shen ia ka rukom tih dewiong da ka juk stad saian, ka dei ka thong ba ka sorkar ka kwah ban pynduh ia ka jingtih dewiong beain.
Ka sorkar ka dang lum jingtip ia ka jingtih dewiong beain
