Shillong: Ha ka 30 tarik Iaiong, 2025, ki pulit ka Umsning Police Station, Ri-Bhoi kila lum ia ka jingialang bad ki manager bad ki trai pata kyiad ne wine store kiba don kumba 8 tylli kiba don ha ka Umnget Karbalu hapoh u pud u sam ka Umsning PS.
Ha ka rynsan social media ba la thep ki pulit Ri Bhoi, la pynpaw ba ka jingdon ki nongthied kyiad da kaba ieng kali ha surok na kitei ki pata, ka la wanrah ia ka jingsahkut kali ha surokbah NH-6. Ha kane ka jingialang, la rai ba ki trai bad ki nongpyniaid ne manager kin buh noh da ki volunteer ban pyniaid kali bad ki trai pata kyiad kin ai ruh ki jacket bad ka ding kti ne torch light ia ki volunteer. Ki VDP ka shnong ruh kin long kiba peitngor lang ban pynbeit haba don kano kano ka jingeh.
Ba sahkut kali na ki nongthied kyiad na pata, yn buh volunteer noh ki trai
