PIB Delhi: Ka Cabinet Committee on Economic Affairs ba la pynïaid da u Myntri Rangbah duh Narendra Modi ka la mynjur ïa ka jingtyrwa ban shna, maramot bad pynïaid ïa ka 4-lane Greenfield Access Controlled kaba 166.80 km jong ka Surok bah No. 06 na Mawlyngkhung (hajan Shillong) ha Meghalaya sha Panchgram (hajan Silchar) ha Assam ha ka Hybrid Annuity Mode kum ka lynti kaba lah ban iaid stet bha ha ka jinglut jingsep baroh kaba long T.22,864 Klur. Ka jingjrong jong ka projek kaba 166.80 km ka don ha Meghalaya (144.80 km) bad Assam (22.00 km).
Ka Greenfield high-speed corridor kaba la tyrwa kan kyntiew ia ka leit ka wan ki kali na Guwahati sha Silchar. Ka jingpynheh ia kane ka surok kan kyntiew ia ka jingpyniasoh sha ka jylla Tripura, Mizoram, Manipur bad ka thain Barak Valley jong ka Assam na kiwei kiwei ki bynta jong ka India bad Guwahati da kaba pynduna shibun ia ka jingjngai ka leit ka wan bad ka por leit jingleit. Kane ha kajuh ka por, kan iarap ban kyntiew ia ka kam pynpoi mar jong ka ri.
Kane ka surok kan kyntiew ia ka jingpyniasoh hapdeng ka Assam bad ka Meghalaya bad kan kyntiew ia ka ioh ka kot, kynthup ka jingkyntiew ki karkhana ha Meghalaya, namar ba ka iaid lyngba ki jaka pynmih dewbilat bad dewiong jong ka Meghalaya. Kane ka surok kan pynbiang ia ki jingdonkam jong ki nongjngohkai na ka ri bad nabar ri kiba wan na ka kad liengsuin Guwahati, kad liengsuin Shillong, kad liengsuin Silchar (lyngba ka NH-06 kaba la don lypa) kaba pyniasoh ia ka Guwahati sha Silchar. Kane kan pyniasoh ia ki jaka ba itynnad jong ki jaka jngohkai pyrthei ba don ha ka thain shatei lammihngi bad kan kyntiew ia ka kam jngohkai.
Kane ka projek ba iadei bad ki jingdon jingem kan kyntiew ia ka jingpyniasoh hapdeng ki sor hapdeng ka Guwahati, Shillong bad ki bynta jong ka Silchar ba iaid lyngba Ri Bhoi, East Khasi Hills, West Jaintia hills, East Jaintia hills ha Meghalaya bad ka Cachar district ha Assam kan pynduna ia ka jingkhapngiah ha ka surok bah NH-06 kaba la don lypa bad kan kyntiew ia ki jingdon jingem ha ki lad ka leit ka wan kaba iahap bad ka PM Gati Shakti National Master Plan.
Ka projek ka pyniasoh bad ki surok ba heh, kynthup ia ka NH-27, NH-106, NH-206, NH-37 kaba pynbiang ia ka jingpyniasoh kaba khlem jingeh sha Guwahati, Shillong, Silchar, Diengpasoh, Ummulong, Phramer, Khlieriat, Ratachera, Umkiang, Kalain.
Ynda la dep, ka Shillong – Silchar Corridor kan don ka bynta kaba kongsan ha ka jingkiew ka ioh ka kot ha ka thain, kan kyntiew ia ka jingpyniasoh hapdeng ka Guwahati, Shillong, Silchar, Imphal, Aizawl bad Agartala. Kane ka projek ka iahap bad ka jingthmu jong ka sorkar na ka bynta ka Atmanirbhar Bharat, kan kyntiew ia ki jingdon jingem bad plie ki lad ioh kam bad kyntiew ia ka roi ka par ha ka imlang sahlang ha Meghalaya, Assam, Manipur, Mizoram bad Tripura.
T. 22,864 klur yn shna ia ka surokbah ba 166.80 km na Mawlyngkhung, Shillong sha Panchgram, Silchar
