Shillong: Ki pulit ka Ri-Bhoi mynta ka sngi 30 tarik Iaiong, 2025, kila shim ia ka sienjam ban mih sha surok ban batai ia ki nongniah kali ha surok, khnang ban lait na kano kano ka jingjia ba sngewsih.
Kane ka sienjam kaba la leh ki pulit ka Ri-Bhoi ka long ban tehlakam ia ka jingjia aksiden kali ha kateika surokbah NH6 kaba la wanrah bun ka jingsngewsih ha kine ki sngi.
Ha kane ka sien jam, ki pulit kila batai ia ki draibar kumno ki dei ban bud ia ki kyndon bad ki jingbthah haba ki niah kali ha surok bad kumjuh ia ki dak ki shin kiba la ruid dak ha surok. Bunsien ka jingjia aksiden ka la jia namar ba ki nongniah kim bud ia ki kyndon haba ki mareh da ka kali ha surok. Katkum ka rukom, ki kali kiba iaid ki dei ban tip sha kano ka liang ban iaid khnang ba kiwei kin ioh ban jam shakhmat. Kum ka Nuksa kiba hiar na Shillong sha Guwahati, ki kali heh ki dei ban iaid na sha ka liang ka diang bad ki kali rit ki dei ban iaid sha ka liang ka mon, kumjuh kiba kiew na Guwahati sha Shillong, ki kali heh ki dei ban iaid sha ka liang ka diang bad ki kali rit bad kiwei ki dei ban iaid sha ka liang ka mon khnang ban suk haba jam sha khmat bad ban lait na kano ka jingjia.
Ha surokbah, batai bniah ki pulit ka Ri-Bhoi ia ki draibar kumno ban iaid haba niah kali
