Shillong: Mynta ka janmiet sngi u Blei, ki paidbah kila pyllong ia ka jingthang mombati ha Khyndai Lad halor ka jingjia ha Pahalgam, Jammu & Kashmir.
Ia kane ka jingthang mombati la pyllong da ka Shillong Citizen Forum shi bynta ban pynrem bad sngewlem halor ka jingshah siat iap ki 26 ngut ha Pahalgam, Jammu & Kashmir dang shen.
Ki jaitbynriew bapher bapher kiba don ha Shillong kila wan ban ialum bad ban iashim bynta ha kane ka jingthang mombati kum ka jingsngewlem ia ki mynsiem ba la khlad.
Naduh ki Pynjabi, Bihar, Ki Khasi, Marwari bad kiwei kiwei kila wan shim bynta ha kane ka jingthang mombati bad ka pynrem ia ka Pakistan halor kane ka jingjia. La iohi ba bun ki dukan ha ka thain Khyndai Lad kila khang ha kane ka por ba pyllong ia ka jingthang mombati ban pynpaw ia ka jingiatylli halor kane ka jingjia.
Lah ban pynkynmaw ba ha ka 22 tarik mynta u bnai, 26 ngut ki nongleitkai ha Pahalgam, kila shah siat iap ha ki lehnoh kiba shu wan ban synreit kuli naphang katba ki dang lehkmen ia ka jingitynnad katei ka jaka kaba pawnam bha ha ka kam jngohkai.
Kiba wan ban iashim bynta ha kane ka jingthang kila pynpaw ia ka jingpynrem jur ia ka Pakistan halor kane ka jingjia.
Thang Mombati ha Khyndai Lad ban pynrem ia ka Pakistan ha jingjia ha Pahalgam
