Shillong: Ia u khlieh duh ka niam Katholik kaba don 1.40 billion ne 140 klur ngut ki paid riew ngeit kylleng ka pyrthei, la pyndep ia ka jingtep on burom ha ka 26 tarik Iaiong, 2025 ha Rome. U Kpa Bakhuid u Pope Francis ba 88 snem ula khlad ha ka 21 tarik Iaiong, 2025.
Da ki lak ngut ki riew ngeit Ka Balang Katholik kila tuid ha kine ki sngi ban leit peit khadduh ia ka met jong u Pope Francis ha Rome, uba dei na ri Latin America.
Nalor ki nongialam jong ki ri bapher bapher ka pyrthei, kynthup u President ka America u Donald Trump, u President ka France u Emmanuel Macron bad kiwei kila sakhi ha kane ka jingleh burom khadduh ia u Pope. U Myntri Rangbah ka Meghalaya ruh u Conrad K Sangma ula leit leh burom khadduh ia u Pope Francis.
Kumba 2lak ngut shiteng ki paidbah kila sakhi ha katei ka jaka nalor kylleng kiba iashim bynta ha ka jingleh burom ha ki jaka bapher bapher jong ki ri.
Kumba 140 klur ki riew ngeit Katholik ki leh burom khadduh ia u Pope Francis
