Shillong: Ka India bad ka Pakistan mynta kila pynkhreh pynkhrum bha ia ki tiar thma, ki tup ki man bad ka jingkilanmet ki shipai ki swar hadien ka jingjia ha Pahalgam dang shen. Baroh kine ki ri kila iakawang ktien man ka sngi, kawei ia kawei pat.
Ka India ka la shim ia ki sienjam ba tyngeh pyrshah ia ka Pakistan hadien ba ka la kynnoh ba ka ai jaka rieh bad kyrshan ia ki kam pyntreikam hynrei na ka liang ka Pakistan ruh ka la pynphai ktien ba kan ym pyndem satia.
Ngin iapeit ia ka jingkhlain ki tiar ialeh thma bad ki bor shipai jong kine ki ri.
Ka India ka don ha ka kyrdan ba saw ha ka jingdon ki shipai ha ka pyrthei katba ka Pakistan ka don ha ka kyrdan ba 12. Ka India ka don 14,55,440 ki shipai katba ka Pakistan ka don 654,000 ngut.
Ki liengsuin ka India ka don 2229 tylli katba ka Pakistan ka don 1399 tylli katba ki liengsuin iapom ne fighter aircraft ka India ki don 513 katba ka Pakistan ka don 328 tylli. Ka India ka don 899 tylli ki helicopter katba ka Pakistan ka don 373 tylli. Ka India ka don 80 tylli ki helicopter ban hiar thma katba ka Pakistan ka don 57 tylli.
Ha kaba iadei bad ki tank hiar thma ka India ka don 4201 tylli katba ka Pakistan ka don 2627 tylli. Ka India ka don 1,48,594 tylli ki kali ialeh thma katba ka Pakistan ka don 17,516 tylli.
Ka India ka don 2 tylli ki jhad kieng dem liengsuin katba ka Pakistan kam don satia. Ka India ka don 18 tylli ki jhad duriaw katba ka Pakistan ka don 8 tylli. Shuh shuh ka India ka don 13 tylli ki lieng hiar thma katba ka Pakistan kam don satia.
Ka India ka don ki namding ba lah ban her 5200 km katba ka Pakistan ka don ki namding ba lah ban her 2750 km. kine ki ar tylli ki ri ki don ruh ki nuclear bomb kiba khlain bor haduh katta katta.
Ka jingianujor ki tiar thma hapdeng ka India bad ka Pakistan
