Shillong: Na ka iing wai sha ka jaka lajong, ka SOS Shillong ka la rakhe ia ka jingdap 25 snem ha ka jingiaid lynti jongka, ban sumar pynheh pynsan ïa palat 350 ngut ki khunswet ba kin lah ban ieng ha la kijong ki kjat.
Kane ka jaka ri khunswet ka Save Our Souls (SOS) Children’s Village Shillong kaba don ha Umiam hynne ka sngi kala rakhe iaka jingdap 25 snem ha ka 25 tarik Iaiong 2025.
Ia ka SOS Children’s Village Shillong la seng ha u snem 1999 bad ka la sdang treikam ha u snem 2000 da ki 5 ngut ki kmie kiba ri bad sumar iaki 40 ngut ki khynnah na kylleng ka Jylla Meghalaya. Ka SOS Children Village’s India kaba la sdang treikam naduh u snem 1964 ha ki 31 tylli ki Jylla ka Ri.
Ha ki 25 snem jong ka jingtreikam, ka SOS Children’s Village Shillong, mynta kala kdup bad ri ïa palat 350 ngut ki khynnah ha kaba bun na ki, kila ioh kam ioh jam bad don ruh kiba la ïeng hala ki jong ki kjat bad ban sdang iala ka jong ka iing ka sem.
Mynta ka kynti ka SOS Children’s Village Shillong ka kyrshan ïa 155 ngut ki khynnah jong ki 9 tylli ki longïing bad 2 tylli ki Youth Hostel ba sah ki shynrang bad ka kyrshan ruh iaki 65 ngut ki khynnah lyngba ka Supervised Independent Living (SIL).
Ka jingrakhe iaka jingdap 25 snem lane ka Silver Jubilee jong ka SOS Children’s Village Shillong kadei ruh kum shi bynta ban iakynduh lang baroh ki khynnah, ki Mothers, ki nongkyrshan, ki nongialam, ki nong synñiang bad ki khun samla kiba la ïeng hala ki jong ki kjat namar ka jingkyrshan jong kane ka jaka ri khunswet.
Ha kane ka sngi rakhe dap 25 snem la wan sakhi ruh da u Myntri ka tnat Social Welfare u Bah Paul Lyngdoh haka jingdon lang u Sumanta Kar u CEO ka SOS India, Anuradha Abrol ka CPO Family Like Care, u Amar Jyoti Sarmah u Director ka SOS Children’s Village Shillong, ki Mothers, ki nongkyrshan, ki khynnah bad kiwei kiwei de ki nong shah khot sngewbha.
U Bah Paul u la ong ba ka jingdon jong ka SOS Children’s Village Shillong kam dei tang ban ai jaka sah, ka bam ka dih iaki khynnah hynrei kadei ruh ka jaka ban ai jingieid, ïa kito ki bym shym la ioh ka lad ban mad ka jingieid naka kmie.
U CEO ka SOS India u Sumanta Kar u la ong ba mynta la palat 25 snem ka SOS Children’s Village Shillong ka la shim ia ka jingkular ba iwei pa iwei i khynnah kiba la duh noh ia ki kmie ki kpa lane kiba la jan duh ia ka jingsumar kin dang don ka lawei kaba phyrnai, kaba dap da ka jingieid bad kaba skhem.
Kawei ka kmie ka don 25 ngut ki khunswet ha ka SOS Umiam ia ki khunswet
