Shillong: Ka riewpyrkhat bad ka nonghikai college, ka kong Bakhiamon Rynjah ka la ong ba katkum ka jingsneng ki tymmen, ka jingkhap tyrsim bad khap shniuh ha ka por mynmiet, kam long kaba bha.
Ha ka jingiakren halor kane, ka kong Bakhiamon kaba hikai ha Umshyrpi College, Shillong ka la ong ba kumba long lem kiwei ki jaitbynriew, ka don ka jingkyndiah sang, kaei kaba dei ban leh bad kaei ka bym dei ban leh. Bunsien khamtam ha kane ka juk mynta, bun ki samla, ki hep barit bad wat kiba la san la rangbah, ki pyrkhat ba dei tang ka jingngeit biej hynrei man la ka jaitbynriew hi naduh ki Greek, German, Italian bad kiwei ki don la kajong ka jingngeit kaei kaba dei ban leh bad kaei ka bym dei ban leh.
Ka jaitbynriew Khasi ruh ka don ka jingkyndiah sang, kum ka khap tyrsim, khap shniuh ka la ong ba mynta bun na ki khynnah samla ki ia mlien ban khap tyrsim khap shniuh mynmiet bad ki ong ba ka jingkhang kiba la san la rangbah, ka dei ka jingngeit biej, hynrei kata ka jingleh jongki ka pyllong ia ki, ba bunsien kiba khap tyrsim khap shniuh mynmiet ki sniew met, bad ka jingkhap tyrsim mynmiet, ka shong sabuit bad uno uno uba shong sabuit, um bha met, u ring u tyrkhong ka met, namar ba ki shniuh bad ki tyrsim ki san ha ka por mynmiet.
Ka kong Bakhiamon ka la ong ba wat ka saian ka la ong ba ki tyrsim bad ki shniuh ki san por mynmiet bad ki tymmen ki ong bym bit ban khap tyrsim mynmiet, namar ba uta uba khap u shong sabuit bad uba shah khap pat um ym ioh ia ka met kaba koit kaba khiah, bad lada khap lei ha ka por ba lung u bnai, ki lah ban ioh pang bad bun mynta ki samla ki hap shniuh khlem pat dei ka por bad ki bud ia ka rong phong khlem kohnguh ki tymmen ki san.
Wat ju khap tyrsim bad shniuh ha ka por mynmiet khamtam por lung u bnai, ka jingiakren bad I kong Bakhiamon
